Era bibliotèca municipau de Naut Aran, en Salardú, s’aumplic pendent era jornada d’ager en tot acuélher era presentacion dera revirada deth libre “Cenizas bajo la nieve” hèta per Arturo Calbetó

Pendent er eveniment, se hèc ua explicacion sus era forma ena qu’auie estar revirada era òbra deth francés ath castelhan, es grani rèptes qu’auec, autant coma ua petita sinòpsi deth libre.

Toti es assistenti se pogueren portar tà casa un exemplar de forma gratuïta e signat peth pròpri Calbetó, qu’arregraïc personaument era participacion des presenti. Er acte siguec introdusit pera còsso de cultura e tinent d’alcalde der Ajuntament de Naut Aran, Anna Geli, e moderat pera tecnica dera bibliotèca de Naut Aran, Noemí.

Naut Aran i collabòre amassa damb eth Refugi de Montgarri.

Gràcies a totes e toti per vier a gaudir dera cultura e istòria en casa nòsta!


HÒNT: AJUNTAMENT DE NAUT ARAN