Era Generalitat de Catalonha començarà a invertir enguan mès de 3,4 milions d'euros ena melhora deth Pòrt dera Bonaigua

Eth Departament de Territòri dera Generalitat de Catalonha a confirmat qu’a compdar d’enguan invertirà 3,4 milions d’èuros en desparières melhores en Pòrt dera Bonaigua.Per un costat, bastirà ues barrères entà arturar es lauegi en municipi der Alt Àneu ena comarcau C-28. Ues barrères de 4 mètres de nautada e que se plaçaràn pendent es pròplèus 8 mesi. Ua intervencion de besonh entà assegurar er accès a Baqueira-Beret a trauès dera Peülla. Cau remercar qu’aguesta despensa ei plaçada laguens d’ua macro inversion de 8 milions d’èuros qu’era Generalitat amie a tèrme a compdar d’enguan enquiath 2019.

Era seguretat ena C-28 ei plan importanta, pr’amor qu’ei ua des carretères que mès accidents enregistre en tot er Estat. Ath delà, en iuèrn, ei ua via qu’acostume a èster fòrça dies barrada ath trànsit.

Per tant, se demore que tà 2019, eth Pòrt dera Bonaigua presentigue ues condicions tanplan bones, e que permete era melhora dera circulacion en ua via que pendent er iuèrn presente fòrça dificultats as veïculs que la vòlen trauessar en tot connectar era Val d’Aran damb eth Palhars Sobirà.