Es Mossos d'esquadra detien sies òmes per trafic de drògues en Vielha
15/06/2025
S’an Intervengut 807 grams de cocaïna e provedirien dròga en tota era comarca e a revenedors francesi. Agents dera Policia dera Generalitat, Mòssos d’Esquadra, detengueren eth passat dimèrcles en Vielha sies òmes, d’entre 28 e 63 ans, coma presomptius autors d’un delicte contra era salut publica
SOCIETAT
Vielha
Era detencion ei eth resultat d'ua investigacion, iniciada en octobre der an passat, dempús d'auer coneishença qu'un grop de persones se dedicarien ara venta de substàncies estupefasentes ena Val d'Aran.
Deuant d'aguesti hèts, agents dera Unitat d'Investigacion de Vielha realizèren diuèrses vigilàncies as environs d'uns apartaments plaçadi ena madeisha bastissa de Vielha a on, presomptaments, se hègen es transaccions.
Es investigadors poderen determinar era identitat des persones implicades e des sues abitances e inicièren es vigilàncies e seguiments entà concretar era activitat illicita.
En cors d'aguestes dilligéncies concretèren que serie un grop liderat per dus òmes e quate mès que collaborauen en tot véner ath detalh es substàncies.
Es dus prumèrs provedien principauments quantitats considerables de cocaïna a persones que dempús era revenien, fòrça d'eri entà pagar eth sòn pròpri consum. Aguest grop provedirie cocaïna en tota era comarca e a ciutadans francesi que se desplaçauen enquia Vielha a crompar-la.
HÒNT: COMUNICACIÓN MOSSOS D'ESQUADRA
Deuant d'aguesti hèts, agents dera Unitat d'Investigacion de Vielha realizèren diuèrses vigilàncies as environs d'uns apartaments plaçadi ena madeisha bastissa de Vielha a on, presomptaments, se hègen es transaccions.
Es investigadors poderen determinar era identitat des persones implicades e des sues abitances e inicièren es vigilàncies e seguiments entà concretar era activitat illicita.
En cors d'aguestes dilligéncies concretèren que serie un grop liderat per dus òmes e quate mès que collaborauen en tot véner ath detalh es substàncies.
Es dus prumèrs provedien principauments quantitats considerables de cocaïna a persones que dempús era revenien, fòrça d'eri entà pagar eth sòn pròpri consum. Aguest grop provedirie cocaïna en tota era comarca e a ciutadans francesi que se desplaçauen enquia Vielha a crompar-la.
HÒNT: COMUNICACIÓN MOSSOS D'ESQUADRA
Manu Moga