Es Servicis Assistenciaus Integrats d’Aran realizen un simulacre deth sistèma Teleictus

D’ençà de noveme deth 2024, s’a començat a utilizar eth sistèma de Teleictus, que permet un milhor diagnostic e tractament der ictus ena Val d’Aran, en tot amendrir considerablaments es tempsi d’intervencion e tractament, çò que permet ua màger recuperacion neuronau, que supause ua milhora recuperacion foncionau des pacients afectadi, en aguest tipe de patología. Eth slogan ei: TEMPS=CERVÈTH.


Era avaloracion damb eth neurològ, evite traslats innecesaris en pacients que pòden èster tractadi en nòste espitau, çò que garantís ua màger qualitat dera atencion centrada ena persona.


Eth simulacre auie coma objectiu monitorizar es tempsi d’intervencion, en tractar-se d’un còdi temps depenent. En un espitau coma eth nòste eth temps pòrta-agulha (qu’ei eth temps que transcor d’ençà qu’eth pacient entre enquia que se comence eth tractament trombolitic), a d’èster mens de 40 menutes, e nosati auem artenhut 18 menutes, hèt que siguec avalorat fòrça positivaments per part des observaires deth simulacre.


HÒNT: ARAN SALUT