Es vesins de Bagergue hestejaràn Santa Margalida aguest fin de setmana

Era Hèsta Major de Bagergue, en aunor a Santa Margalida, torne aguest cap de setmana damb era clara volentat de seguir evolucionant sense pèrder era esséncia. Deth 19 ath 20 de juriòl, eth pòble viuerà un programa pensat entà toti, damb actes dubèrts, familhars e adaptadi as ritmes sociaus actuaus.

Enguan, des dera EMD, s’apòste per auançar es oraris e adaptar era hèsta as costums d’aué dia. En aguest sens, se vò daurir espaci a activitats de tarde, entà qu’era gent pogue participar e gaudir-les. Ua des actuacions mès destacades serà era de Grison Beatbox, un des principaus collaboradors deth programa de TVE, La Revuelta, serà dimenge a compdar des 18:00 dera tarde.

Totun, tà meddia, se celebrarà ena ermita de Santa Margalida era santa missa coma ei d’abituda e era benediccion deth pan, entre d’auti ahèrs.

Es activitats en Bagergue s’alongaràn enes tardes, mès tanben ena net deth dia 19 a on i aurà un balh nocturn damb era orquèsta Mediterrània