Estudiants d'infirmieria vien ara Val d'Aran entà apréner coneishements deth grop de Pompièrs e Emergéncies

Era Val d’Aran torne a acuélher un an mès ua part deth Master d’Atencion Preespitalaria e Espitalaria Urgenta dera Universitat de Barcelona en ua collaboracion entre aguest centre educatiu e eth grop de Pompièrs e Emergéncies, un des referents estataus gràcies ath sòn modèl integrau.

Pendent aguesti dies, es estudiants pogueren hèr atencion a multiples victimes en parcatge des militars de Vielha, e tanben, ena localitat de Bagergue an pogut amiar a tèrme tot tipe d’intervencions e situacions que se poderien trapar en un futur: des d’auer de baishar ua paret en estil ‘rappel’ o d’autes coma rescat en miei d’un bòsc o damb era preséncia der elicoptèr.

Eth còs de Pompièrs e Emergéncies ei un des mès respectadi en panorama nacionau pr’amor dera sua polivaléncia e versatilitat gràcies a que tota era equipa a coneishements tà desvolopar toti es protocòus.

Era vinculacion entre totes dues institucions vie de mès de 20 ans de collaboracion ena que se destaque era nauta professionalitat deth còs aranés.