Eth Conselh Generau d’Aran balhe eth sòn supòrt e solidaritat ath pòble de Gaza

Eth Plen dera maxima institucion aranesa a aprovat aué, a propòsta deth grup d’UA, ua declaracion institucionau de supòrt e solidaritat damb Gaza en tot condemnar tanben eth genocidi que patís era sua poblacion.

Era prepausa s’a aprovat per unanimitat damb es vòts a favor d’Unitat d’Aran (UA) e Convergéncia Democratica Aranesa (CDA), en defensa des valors de patz, democràcia e drets umans.

Segontes era declaracion aprovada, eth Conselh Generau s’a posicionat clarament en contra de tot acte de violéncia o de guèrra, e a condemnat fèrmament es grèus abusi contra es drets umans que i a en Gaza. En aguest sens, a aperat ara comunitat internacionau a préner mesures urgentes entara proteccion des victimes innocentes e tà garantir er accès immediat ara ajuda umanitària ena zòna.

Mès Informacion: https://lc.cx/VVYE0b


HÒNT: CONSELH GENERAU D'ARAN