Eth Conselh Generau trabalhe ena coordinacion dera comunicacion des servicis essenciaus deth territòri dempús dera pana digital que se patís des d’ager

Pendent eth dia d’ager era Val d’Aran patic ua pana ena cobertura de telefonia mòbil que, pes informacions qu’a era maxima institucion, se tracte d’ua pana generalizada en part deth territòri der Estat.

Atau donc, der airau d’emergéncies ençà, a trauès de Pompièrs Emergéncies, s’a coordinat eth supòrt de besonh damb er airau sanitari d’Aran Salut, entà que se pogue curbir aguesta manca de cobertura. Atau madeish, Pompièrs Emergéncies ei en contacte damb es ajuntaments aranesi entà auer era informacion sus eth grad d’afectacion e poder balhar eth servici de supòrt de besonh s’ei eth cas.


En cas d’emergéncia eth telefon dera Sala de Contròle de Pompèrs Emergéncies seguís operatiu: 974 64 00 80


En cas de besonh de contactar damb es servicis medicaus d’Aran Salut ac pòden hèr a trauès deth 973 64 00 04


HÒNT: CONSELH GENERAU D'ARAN