Eth Govèrn d'Aran non da lum verda ara regulacion per 5 èuros en entorns massificadi
Des der an 2022 se demore a que s'active era regulacion mès non se hè efectiu pr'amor dera manca d'uns tramits administratius
Eth govèrn d’Aran regularà es accessi as entorns mès visitadi a nivèu de miei naturau dera Val d’Aran mès non damb eth prètz de 5 èuros. Aguesta normativa que s’anoncièc en an 2022 encara non s’a activat deth tot mès, expliquen, qu’aguesta situacion arribarà en un futur pròplèu entàs usatgèrs que visiten aguesti endrets mès visitats.
Es localizacions a on s’harà un viatge mès era regulacion tà evitar es massificacions son es parçans de Varradòs, Artiga de Lin, Bassa d’Oles, Bassa d’Arres, Aiguamòg e Valarties. En aguest sens, se poiràn hèr resèrves on-line a trauès dera plataforma web AparcAran o dera madeisha App toristica GuidAran que facilitaràn informacion a temps reau sus en quin estat se trapen aguesti accessi.
Aguesta accion respon a un ahèr de seguretat ciutadana e entà mantier aguesti emplaçaments mèns massificats entà aumentar era sostenibilitat ena zòna.
Aguesti accessi seràn reguladi entre es mesi de junhsèga e seteme. Segontes informe eth govèrn aranés, sonque manquen uns petiti tramits administratius entà amiar a tèrme aguesta accion endauant de forma oficiau.