Finalizan es practiques de FP Duau deth Grad Mejan de Gestion Administrativa en Ajuntament de Vielha e Mijaran

Aué an finalizat es practiques des dus escolans dera FP Duau deth Cicle Formatiu de Grad Mejan de Gestion Administrativa der Institut d’Aran qu’an realizat en Ajuntament de Vielha e Mijaran.

Aguesta accion, que ja hè fòrça ans qu’ei en marcha, ei frut d’un convèni entre eth consistòri e eth centre educatiu entà auer estudiants damb beques remonerades, coma prumèr contacte damb eth mon laborau.


Concretament, es alumnes s’an incorporat ara Oficina Tecnica damb beques remonerades, a on an realizat prètzhèts d’introduccion de donades administratives e documentacion, atau coma atencion ath public. En totau, an estat 1000 ores formatives que comencèren en mes de junh de 2024 e tot just vien d’acabar.


Des deth consistòri volem arregraïr eth son trabalh pendent tot aguest temps, en tot auer aprenut quin ei eth foncionament dera administracion publica e lis desiram sòrt entath sòn futur laborau.


Cau rebrembar qu’er Ajuntament de Vielha e Mijaran ei plan conscienciat damb balhar oportunitats ara joenessa en inici dera sua vida laborau. En aguest sens, tanben i a mès escolans en tot desvolopar practiques ena Escòla Mairau “Era Cunhèra”, era Bibliotèca Generau de Vielha e en Palai de Gèu.


HÒNT: AJUNTAMENT DE VIELHA E MIJARAN