Jornada de donacion de sang d'ostiu en Aran
Enguan era jornada siguec excepcionau pr'amor que sonque se poguec aufrir sang. Es baishes resèrves en Lhèida hègen a apostar per aguesta qüestion. De cara ara següenta donacion i aurà ua d'especifica de plasma, en agost.
Era Val d’Aran a viscut era tresaua jornada de donacion de sang der an 2025.
Un totau de 72 persones pogueren dar sang des 16:00 entàs 21:00 deth vespe per çò qu’era valoracion ei positiua per part dera Associacion de Donants de Sang dera Val d’Aran. Ath delà tanben se hèren 9 aufriments. Rebrembam qu’es aufriments son persones que non poden dar sang per bèra qüestion qu’acostume a èster que prenen quauque medicament o que son baishi de hèr.
Aguesta donacion ère especiau pr’amor qu’ère ua campanha especifica de donacion de sang, sense plasma pes baishes resèrves que i auie actuauments en banc de Lhèida. De cara ara següenta session, programada entath mes d’agost, s’harà ua jornada especifica de sonque plasma.
Un des lèmes dera campanha de donacion dera Val d’Aran ei que damb un viatge non n’i a pro pr’amor qu’era sang encara non se pòt fabricar e tostemp ei de besonh.
