Les apròve eth pressupòst municipau de 2025

Aguest maitin s'a celebrat eth plen ordinari der Ajuntament de Les en qué s'a aprovat era liquidacion des compdes de 2024 e eth pressupòst iniciau deth 2025.

Aguest pressupòst ascendís a un totau de 1'5 milions d'euròs, as que se higen 1'4 milions de partides corresponentes a projèctes iniciadi estant passat.

Atau, s'amien a tèrme inversions estructuraus en servicis basics coma era melhora deth hilat de distribucion e enmagatzematge d'aigua, es fasas 3 e 4  des òbres deth carrèr Carrèra, e en elements patrimoniaus, enguan damb era melhora e reforma dera tor deth campanau dera Glèisa de Sant Joan Bautista de Les.


Autant, s'a aprovat un convèni damb eth Conselh Generau d'Aran entara gestion deth Musèu deth Huec Casa der Haro e deth Castèth de Les, e eth desvolupament d'un projècte culturau e museistic tà méter en valor aguest patrimòni materiau e medievau.

Tanben s'a acordat renauir eth convèni deth consultòri damb Aran Salut  tàs pròplèu quate ans.


HÒNT: AJUNTAMENT DE LES