Les compde damb un nau enlumenat mès eficient

Er Ajuntament de Les a amiat a tèrme eth renauiment der enlumenat public en diuèrses zònes municipi. Damb ua subvencion europèa damb hons Next Generation, s’an pogut milhorar e aumentar enquia 170 naui punts de lum damb modèrna tecnologia LED, entà auer mès eficiéncia energetica e un estauviament economic. Era quantitat d’aguest ajut ascendís as 110.000 €.

D’un aute costat, s’a artenhut dar compliment ara normativa ICU 65, e redusir era contamniacion luminica. Tanben s’a guanhat auer ua màger seguretat en diuèrsi airaus autant vinculadi ara seguretat autant ena circulacion coma entath pas de pedonhs, sustot ena net.

Ara se vò complementar damb mès elements luminics sustot ena zòna dera trauèssa. En posteriores fases se vò potenciar tanben eth camp de fotbòl dera cauarca o eth cementèri municipau.