Mès de 1000 persones participen en aumenatge a Pau Donés: El Valle Grita
27/03/2022
Mès de mil persones s’an dat cita aué en Plan de Beret en acte El Valle Grita, ena gravacion d’un videoclip collectiu que preten èster un aumenatge ath music Pau Donés, ua persona fòrça estimada e admirada ena Val d'Aran.
Ath long deth maitin s’an amiat a tèrme es gravacions des diferents instruments portadi pes madeishi participants en aguest acte, atau coma era gravacion des veus interpretant ua naua e emocionanta version dera cançon “Grita”. Tanben s’a compdat damb era participacion especiau der Orfeó Lleidatà.
Un milèr de persones qu’an compartit era sua musica e eth sòn temps entà rebrembar, coma didie Pau, que “víuer ei urgent”.
Aguest acte aumenatge a estat organizat peth music Mario Carnero damb era collaboracion deth Conselh Generau d’Aran, Baqueira-Beret e er Ajuntament de Naut Aran.
HÒNT: CONSELH GENERAU D'ARAN
HÒNT: CONSELH GENERAU D'ARAN
Manu Moga