Naua session deth Conselh Economic e Sociau dera Val d'Aran

En aguesta darrèra session d'enguan, que compdèc damb era participacion de representants des sectors economics e sociaus dera Val d’Aran e per tecnics deth Conselh Generau, se tractèren diuèrsi ahèrs relacionadi damb naues linhes d'insercion laborau, formacions especifiques o prepauses innovadores de diversificacion dera activitat economica, tot estacat a projèctes possadi peth govèrn deth Conselh Generau d’Aran coma eth Servici d’Atencion en Entorn Domiciliari (SaeD), eth Hub HèPic o era gestion forestau.

Cau rebrembar qu’eth Conselh Economic e Sociau, reactivat pera maxima institucion aranesa er an passat, ei un òrgan de participacion d’entitats e organismes en encastre economic e sociau qu’a coma principau objectiu establir ua comunicacion dirècta e bidireccionau damb eth teishit empresariau aranés, en tot crear un espaci de debat e contacte entre er airau public e privat.


HÒNT: CONSELH GENERAU D'ARAN