Naut Aran ampliarà era Escòla Ruda de Salardú
08/02/2023
Cau rebrembar qu'eth consistòri inicièc es tramits entà ampliar era superfícia dera escòla Ruda de Salardú en abriu de 2021 pr’amor der increment d'escolans qu’auec eth centre pendent aqueth cors en plea crisi deth coronavirus.
HÒNT: AJUNTAMENT NAUT ARAN
Ara, er ajuntament vò crear dus naui passidissi poliesportius de 2.5-3 mètres, dues aules mès, un ascensor entà connectar es aules, accèssi independenti entàs classes e ua caudèra de pelets.
Cesar Ruiz Canela Nieto destaque que “ei un projècte fòrça ambiciós que credem qu’agradarà tant as familhes dera poblacion de Salardú, coma as professors qu’actuauments an de besonh auer mès espaci entà amiar a tèrme es sues classes. Volíem hèr un espaci fòrça mès gran entàs nòsti petiti e mèstres, mès eth Departament non mos a permetut amiar a tèrme bères accions”.
Es òbres compden damb un pressupòst de 517.000 èuros e se non i a cap apellacion començarien entre es mesi d’abriu e mai.
HÒNT: AJUNTAMENT NAUT ARAN
Manu Moga