Naut Aran bastís un nau parc infantil ath cant dera Escòla Ruda de Salardú
12/08/2021
Aguest espaci, a estat escuelhut pera mainadèra dera pròpria escòla entre tres dessenhs diferenti.
HÒNT: AJUNTAMENT DE NAUT ARAN
D’aguesta forma, eth consistòri a volut qu’eth nau equipament plaçat ena Plaça dera Querimònia sigue un parc desirat pes mès petiti e qu’ac poguen emplegar entath sòn benèster.
S’an destinat ath torn de 48.000 èuros entà plaçar diuèrsi elements nauedosi jamès visti en municipi, e tota ua sòrta de jòcs que son en un solèr de caucho. S’a escuelhut aguest materiau entà que, s’es mainatges se quèn, non se hèsquen mau.
S’an destinat ath torn de 48.000 èuros entà plaçar diuèrsi elements nauedosi jamès visti en municipi, e tota ua sòrta de jòcs que son en un solèr de caucho. S’a escuelhut aguest materiau entà que, s’es mainatges se quèn, non se hèsquen mau.
Damb aguesta accion e era que s’a hèt anteriorament en aute parc plaçat ena Mòla de Salardú, er Ajuntament de Naut Aran aufrís diuèrses alternatiues de léser entàs mès petiti en aguesta poblacion.
HÒNT: AJUNTAMENT DE NAUT ARAN
Manu Moga