Participacion deth Conselh Generau d’Aran ena reactivacion deth Conselh dera Taula deth Torisme de Catalonha

Eth Conselh Generau, a trauès deth conselhèr de Torisme, Josep Canut, a estat present enes trabalhs de reactivacion deth Conselh dera Taula deth Torisme de Catalonha, ua amassada qu’a compdat damb era preséncia deth conselhèr d’Empresa e Trabalh, Miquel Sàmper, deth secretari d’Empresa e Competitivitat, Jaume Baró, e dera directora generau de Torisme, Cristina Lagé.

Aguest organisme, que torne a èster actiu dempús de mès d’un decenni, ei un espaci de consulta, collaboracion e participacion entà toti es agents publics e privats qu’incidissen ena politica toristica catalana.

Eth Conselh, coma institucion competenta n'aguesta matèria, reafirme damb aguesta preséncia eth sòn papèr actiu ena definicion deth modèl toristic dera Val d’Aran e de Catalonha.


HÒNT: CONSELH GENERAU D'ARAN