Plen der Ajuntament de Les damb aprobacion deth nomentament deth Jutge de Patz

Eth Plen der Ajuntamet de Les a celebrat era sua session ordinària aué deluns 29 de seteme. Entre d’auti ahèrs, s’an aprobat eth nomentament deth Jutge de Patz e eth compde generau de 2024.

Autant, s’a aprobat era 3au modificacion de crèdit que provedirà es partides de mielhores de camins que s’executaran aguest 2025, e era actualizacion dera ordenança fiscau dera tassa d’aigües que se modifique segontes er increment der IPC.

Per un aute biais, s’a aprobat eth Protocòl entara prevencion e actuacion en casi d’assetjament sexuau.

Tanben s’a aprobat ua mocion de supòrt e solidaritat damb era poblacion de Gaza. En aguest sens, vos rebrembam que disparières associacions e entitats deth municipi e damb eth supòrt der Ajuntament de Les, an organizat ua manifestacion en favor dera patz e reclamar era fin dera violéncia e era barbàrie que patís era populacion civiu dera franja de Gaza eth pròplèu diuendres 3 d’octobre dera Plaça deth Haro ara Plaça der Ajuntament.


HÒNT: AJUNTAMENT DE LES