Presentada era revirada deth libre 'Cenizas bajo la nieve', elaborada per Arturo Calbetó

Era bibliotèca de Naut Aran, plaçada en Salardú, s’a aumplit entara presentacion dera revirada deth libre “Cenizas bajo la nieve” de Renée Seillé-Aubac hèta per Arturo Calbetó.

Mès d’ua cinquantea de persones s’amassèren en aguest espaci culturau entà gaudir dera explicacion der istoriador aranés que siguec er encuedat de revirar aguesta òbra deth francés ar espanhòl. Mès de 200 pagines escrites a man e que dempús an estat passades a ordenador, qu’expliquen era istòria d’ua familha que viuie en Montgarri enes ans 50 e quina ère era evolocion en aquera epòca fòrça ans endarrèr, damb tradicions e moments vinculats a sègles anteriors.

Eth libre narre era vida d’ua petita comunitat abandonada ara sua pròpria sòrt, ailhada totauments a 1.600 mètres de nautada pendent es durs iuèrns aranesi, sense electricitat, telefon ne escòla ne mètge en plen sègle XX. Es vesins que s’apropèren ad aguesta serada, pogueren portar-se un exemplar gentilesa der Ajuntament de Naut Aran e deth Refugi de Montgarri.