AUE TV
    1. AUE TV

    Prumèra jornada pera Exceléncia ena Val d’Aran

    22/11/2024

    Era Audiovisuau de Vielha a acuelhut aguest maitin era prumèra Jornada pera Exceléncia, celebrada ena Val d’Aran laguens des Jornades per l’Exceléncia deth mes de seteme en Andòrra, e en octobre en Estèrri d’Àneu (Pallars Sobirà), un acte qu’a compdat damb era sindica d’Aran, Maria Vergés, ath delà de d’auti conselhèrs deth Conselh Generau d’Aran

    SOCIETAT
    Vielha
    Aguesta prumèra jornada jos era tematica “Joenessa en Pirinèu: projècte vitau e professionau” s’a inaugurat damb es parlaments de Jesús Montoliu, president de l’Associació de les Jornades per a l'Excel·lència a l'Alta Muntanya, era Conselhèra de Joenessa, Igualtat e Inclusion Sociau deth Conselh Generau d’Aran, Maria Menis, e eth tinent-alcalde de Vielha-Mijaran, Alberto López.


    Tot seguit s’a hèt ua taula redona e collòqui ath torn de Bastir eth deman. Joenessa e emprenedoria damb es ponents Clara Gibert, dera empresa marketing de Nnormal, usatgèra de coworking Val d'Aran, Jaime Varela, fotograf i videograf e proprietari dera empresa J.Prod, e Arnau Cases, cofondador de Cordada Outdoor.


    Era jornada tanben a compdat damb un espaci, taula redona/collòqui, ath torn dera Participacion activa e eth teishut Associatiu, damb es joeni ponents aranesi Estefania Revilla, tecnica der Airau de Joenessa deth Conselh Generau, Martí Alonso, dera empresa Infinite Race Val d'Aran e Rubén Vivancos, membre dera Associacion de Joeni de Bossòst e emprenedor en sector otelèr. Eth tancament dera Jornada a estat a cargue dera sindica d’Aran, Maria Vergés.


    HÓNT: CONSELH GENERAU D'ARAN 
    Manu Moga
    Tornar