Se potenciaràn es colièrs GPS ena Val d'Aran
En territòri dejà s'an autrejat mès de 400 colièrs GPS e era prevision ei d'aufrir-ne mès fòrça lèu
Eth Conselh Generau d’Aran mòstre era sua satisfaccion pera figura deth tecnic de supòrt ramadèr que licitèc mesi endarrèr, qu’ei eth nèxe entre eth sector dera ramaderia e eth govèrn d’Aran. Aguesta figura s’encuede de trasladar totes es problematiques qu’a eth sector e que poguen milhorar-se mejançant diuèrses politiques de supòrt ada eri.
Ath delà, un aute des mestièrs enes qu’ei vinculada aguesta figura ei entà coordinar tot çò qu’a a veir damb es colièrs GPS, ua solucion que permet controlar eth bestiar en entorns de nauta montanha e qu’a auut ua bona acceptacion entre toti aqueri ramadèrs qu’an shivaus, oelhes, crabes o vaques. En totau s’an repartit dejà mès de 400 colièrs, e era prevision ei d’aufrir-ne mès, fòrça lèu.
Era connectivitat ei un ahèr tanplan important entà qu’es colièrs poguen desvolopar es sues foncionalitats de forma apropiada e des deth govèrn d’Aran se vò potenciar e refortilhar aguest airau.
