Succès dera naua òbra deth grop de teatre Era Cabana
Totes es sessions s'aumpliren en tot generar ua grana atraccion entre es assistenti. Eth nòm dera representacion ère “Auem un problèma sus era taula” e a estat escrita e dirigida per Manuela Ané.
Pendent aguesti dies, en tot coincidir damb es hèstes de Sant Joan de Les, s’a amiat a tèrme era òbra de teatre deth grop Era Cabana “Auem un problèma sus era taula”. Era representacion, escrita e dirigida per Manuela Ané, volie mostrar era quotidianitat des problèmes que pòden sorgir entre es parèlhes en toti es encastres, enfocat tanben en airau sexuau e des teràpies.
Eth teatre s’a desvolopat en lengua aranesa e supause un aute pas entara promocion, difosion e proteccion d’aguest idiòma que cerque apropar era cultura entà toti es visitants deth territòri.
Es foncions shautèren fòrça as persones que i assistiren pr’amor qu’ath delà de hèts diadèrs se sage d’aportar un umor clar e damb eth prètzhèt d’atrèir rialhes.
Era Cabana ei un grop de teatre assolidat que cada an amie a tèrme representacions elaborades per Manuela Ané e que son d’abituda tot un succès.
