Vielha e Mijaran dispausarà en brèu dera activacion deth hilat mobil de naua generacion en municipi

Llega700, empresa installadora, a facilitat eth telefòn gratuït 900833999, era plana web www.llega700.es, o eth corrèu electronic [email protected] per se i auesse incidéncies en servici de television.


Era nauta velocitat de connexion de telefonia mobila (4G e 5G) arribe en Vielha e Mijaran en brèu, en çò que supausarà ua milhora tanplan importanta des servicis que s’aufrissen enes viuendes deth municipi.


Es principaus operadors de telefonia mobila trabalharàn enes bandes de freqüéncia de 700 e 800 MHz, anteriorament emplegada pera Television Digitau Terrèstra (TDT), en tot facilitar que i age ua milhora cobertura en interiors e era mès grana extension de cobertura possibla. Mès, era prestacion des servicis mobils en aguesta freqüéncia pòt generar afectacions ena recepcion dera senhau de TDT des usatgèrs enes viuendes. En aguest sens, se i auesse bèth tipe d’incidéncia, era empresa Llega700 facilite eth telefòn gratuït 900833999, era sua plana web www.llega700.es o eth corrèu electronic [email protected] per se quauque usatgèr a de besonh bèra actuacion ena sua installacion. En cas d’èster ua Comunautat de Proprietaris, eth president o administrador ei qui realizarà era comunicación damb era empresa.

“Damb era arribada en brèu dera nauta velocitat de connexion de 4G e 5G en Vielha e Mijaran, tota era ciutadania deth nòste municipi receberà un auanç pro important en çò que tanh ara disposicion des naues tecnologies, en benefici autant des viuendes coma des establiments comerciaus”, comente era còsso d’Innovacion e Tecnologia der Ajuntament de Vielha e Mijaran, Vanessa Fandiño. E ahig que “pendent era sua installacion, i pòt auer cèrtes afectacions en servici de television, e per aquerò demanen que se i a bèth tipe d’incidéncia, non dubtetz en meter-vos en contacte damb era empresa installadora entà solventar quinsevolh tipe de problèma”.


HÒNT: AJUNTAMENT VIELHA E MIJARAN