Era sindica d’Aran, Maria Vergés a soslinhat: “Daurim aguesta part assistenciau damb part des servicis qu’aufrim des d’Aran Salut, a trauès deth Conselh Generau d’Aran, entà apropar eth servici as persones e acabar de barrar aguest Hub de servici d¡atencion as persones, un besonh imminent a conseqüéncia der aument des servicis assistenciaus enes darrèri tempsi, damb un espaci mès apropiat entàs besonhs de privacitat des usatgèrs atau coma des trabalhadors der airau”.

 

Maria Vergés a higut: "Damb aguest nau espaci volem visibilizar toti es servicis que balham, des des mès araïtzats en temps as naui què s’an metut en servici enes darrèri tempsi coma ei era atencion domiciliaria o es projèctes d’accion comunitaria coma “Suenha-te” o “En Familia” què diversifiquen fòrça mès era aufèrta ena linha d’ampliacion de cartèra de servicis ath delà de concentrar-les en un madeish endret”.

Tà M. Àngels Borràs, directora d’Aran Salut aguesti espacis assistenciaus son tanben de besonh entà qu’es usatgèrs àgen contacte dirècte damb es servicis de atencion medicaus per part des sanitàris der Espitau, ua realitat a tier fòrça en compde en un entorn qu’ei de proximitat”.

 

Entà M. Eugènia López, directora deth Servicis Assistenciaus Integrats: “Ei de besonh restacar que ja è quauque temps que mos coordinam amassa damb es professionaus de Salut, era proximitat en espacis damb es servicis d’Atencion Primaria mos facilite trebalhar damb mès qüalitat”.

 

 

Era atencion as usatgèrs demore dubèrta ath public en oraris a compdar des 8 deth maitin exceptat es dimèrcles.

 

Ath marge d’aguesta naua sedença remercar que eth SABS compde tanben damb servicis assistencius per tot eth territòri.


HÒNT: CONSELH GENERAU D'ARAN