Eth pròplèu 11 de junh, Les acuelherà era celebracion deth 26au Concors Internacionau de Petanca de Sant Joan. Un campionat que compde damb fòrça ans de tradicion e que cada an artenh ua màger participacion. Ena edicion der an passat i auec lèu 200 tripletes (quadre Soís), e tanben compdèc damb 50 dobletes femenines. 

Es prèmis coma en cada edicion, sòn fòrça importants. En quadre Soís, es guanhadors deth concors auràn 1125 €, es deth quadre complementari auràn 400 € e es guanhadores deth quadre femenin receberàn 300 €. 

Es inscripcions en concors se poderàn amiar a tèrme eth madeish 11 de junh entàs 08:30. Eth concors començarà entàs 09:30 e se disputarà pendent tot eth dia enquia acabar totes es categories. 

Eth tornèig ei plaçat laguens dera Ligue Midi-Pyrenees deth Comité dera Haute Garonne.