Baqueira/Beret dejà se trape en tot acabar de premanir es darrèri detalhs entà, se es condicions sanitàries e meteorologiques ac permeten, inaugurar era naua sason. Serie entath Pònt dera Puríssima, eth diuendres 4 de deseme.

Totun, des dera estacion aranesa demanen precaucion, pr’amor qu’era dubertura des installacions ei condicionada a dus factors.

Es restriccions de mobilitat, son tanben en punt de guardada. 

Baqueira/Beret s’a comprometut a aplicar totes es mesures de prevencion dauant era Covid-19 entà pr’amor de garantir era seguretat de toti es usatgèrs. 

Des dera direccion dera estacion, afirmen, era practica des espòrts de nhèu, pera sua natura, non s’assòcie a un naut risc de contagi deth Coronavirus.

Ena cabina, en compdes de 9 persones, i poderàn pujar un maxim de 6. Pera sua part, Bars e restaurants de Baqueira aurien de complir damb er aforament exigit pes autoritats governamentaus. 

Peth moment, Baqueira/Beret campe entath cèu en tot demorar nheuades e baishades de temperatura, e tanben campe entath govèrn dera Generalitat. Es sues decisions mercaràn fin finau er inici dera sason blanca ena Val d’Aran.