Un an mès, eth Campus Gaudeix del Basquet a arribat a Salardú entà passar ua setmana d’espòrt e diversion en un magnific entorn. Un totau de 123 mainatges e mainades que vien, ena sua majoria, de Barcelona e localitats vesies e d’edats comprenudes entre es 7 e es 18 ans.

Pendent era setmana qu’eth Campus ei ena Val d’Aran, se lòtgen ena Aubèrja Era Garona e hèn a servir es equipacions esportiues de Vielha e Salardú. Enguan, pendent es dies 25 de junh e 2 de junhsèga eth Campus celèbre era sua edicion numerò 14 e pòrte, coma cada an, un pialer d’activitats entàs petits.

Eth pilar d’aguest campus ei eth basquet e es monitors qu’acompanhen as mainatges tracten non sonque d’ensenhar-les a jogar ben, senon tanben transméter es valors qu’acompanhen a aguest espòrt.

Molti des mainatges e mainades qu’assistissen ath campus tornen dempús en posteriors edicions, er entorn, es monitors e especiaument es companhs e companhes que coneishen pendent aguesta setmana son eth motiu qu’impulse a aguest centenat de mainatges a tornar cada an a Salardú. Ua setmana de rencontres, diversion e, especiaument, fòrça basquet en un entorn privilegiat.