Política
Amassada dera Sindica d'Aran, Maria Vergés, damb era presidenta deth Congreso de los Diputados, Francina Armengol
A reclamat qu'eth Congreso pogue determinar era singularitat aranesa
Era sindica d’Aran, Maria Vergés, s’a amassat, en Madrid, damb era presidenta deth Congreso de los Diputados, Francina Armengol, en encastre dera ronda de contactes institucionaus qu’era maxima responsabla deth govèrn aranés manten damb diferents autoritats e representants publics.
En aguest prumèr contacte, Maria Vergés a trasladat ara presidenta eth besonh qu’er Estat reconeishe era especificitat d’Aran enta auançar ena consolidacion dera autonomia pròpria atau e coma contemple era Lei de Regim Especiau d’Aran e er Estatut d’Autonomia de Catalunya, qu’a de servir, en tot compdar damb es acòrds derivats deth Parlament catalan, tà deishar d’èster considerada coma un ens administratiu estrictament locau. E garantir atau era eficacia des servics publics en Aran.
Aguesta ei era prumèra trobada institucionau qu’eth govèrn aranés manten damb era presidència dera Cramba baisha. Ath delà e pendent eth viatge a Madrid, era Sindica tanben s’a amassat damb diuèrsi grops parlamentaris deth Congrés.