S'a presentat oficiauments en El Pònt de Suert eth Hilat de Caps-lòcs Comarcaus deth Naut Pirenèu e Aran, un nau espaci de coordinacion politica impulsada pes bailes e bailesses des municipis de Tremp, La Seu d'Urgell, Puigcerdà, Vielha e Mijaran, Sort e El Pont de Suert.

Aguesta naua plataforma de trabalh nèish coma responsa ara constatacion qu'es sies caps-lòcs naut-pirenenques, ath delà d'auer es problèmes recurrenti des territòris de montanha,  compartissen ua seguida d'especificitats pera sua condicion de caps-lòcs comarcaus. Aguestes sies poblacions concentren ua part importanta dera poblacion deth Pirenèu (actuauments apròp deth 42%);  actuen coma motors economics e de servicis, mès ath madeish temps tanben patissen grèus mancances estructuraus que non an estat sufisentaments atengudes en encastre des politiques publiques.

Damb mens der 1% dera poblacion de Catalonha mès damb eth 18% deth territòri, eth Naut Pirenèu e Aran se tròbe en ua situacion demografica e territoriau fragila, damb granes dificultats entà accedir ar abitatge, infrastructures deficientes, suscòsti ena prestacion de servicis, e ua estructura institucionau fèbla e dispersada. Deuant d'aguest scenari, es caps-lòcs comarcaus an decidit somar esfòrci e crear un estrument pròpri que les permete difóner e deféner es sues problematiques especifiques, establir ua agenda compartida e impulsar accions conjuntes de melhora e incidéncia politica.


HÒNT: AJUNTAMENT DE VIELHA E MIJARAN