Monner e Bascuñana s’an amassat damb er equip de govèrn der Ajuntament de Vielha e Mijaran entà conéisher era situacion economica que viu eth consistòri e eth conjunt deth municipi.


Atau madeish, an vengut a presentar er Institut Català de Finances (ICF) dera Generalitat de Catalunya, qu’a coma objectiu ajudar, financerament, as administracions publiques e ath teishut empresariau coma complement ath sector privat. Aufrissen diuèrses linhes subvencionades (entre eres, dues d’abitatge sociau de loguèr) que permet milhores condiciones economiques, damb tèrmes mès longui qu’es bancs privats. Hèn prèstecs, en tot impulsar projèctes transformadors (tot çò que hèsque a créisher eth territòri), damb ua milhora flexibilitat.

Ath delà, en Ajuntament tanben i a auut ua amassada damb eth teishut empresariau deth municipi e dera rèsta dera Val d’Aran entà poder saber en quin estat se trape era economia e eth sector empresariau, en tot hèr emfasi en escambi d’opinions en airau deth torisme e, especiauments, era influéncia qu’a era taxa toristica en territòri. Ath delà, tanben se lis a presentat er ICF e es linhes de subvencion qu’aufrissen as empreses.


HÒNT: AJUNTAMENT DE VIELHA E MIJARAN