Eth freerider aranés, Abel Moga, a artenhut ua bona nauau posicion ena quatau arturada deth Freeride World Tour, en Georgia Pro

Siguec des darrèri en gésser en ues condicions complicades, pr’amor que, a despiet que queiguec un bon volum de nhèu es darrères ores, era montanha se trapaue inestable. Ena baishada d’un des competidors de Moga, provoquèc un laueg sense provocar danhs personaus mès era rèsta de riders aueren d’adaptar en grana part es sues linhes tà evitar eth pas concrèt per aquera zòna.

Eth freerider aranés apostèc per una baishada intelligenta ena que non volie arriscar e eth sòn prètzhèt ère eth de trèir eth maximom de punts possibles sense hèr granes acrobàcies tà poder dar ua peada mès en sòn objectiu qu’ei eth d’èster enes finales de Verbier. Ara se trape ena 7aua posicion dera general, damb pè e miei enes finals a manca d’ua pròva.

Eth sòn pas as finals, garantirie a Moga era sua participacion en Freeride World Tour der an que ven, un des sòns grani rèptes d’aguesta presenta sason. Aguest fin de setmana, Fieberbrunn en Austria, serà er scenari entà ua naua competicion.