Tornen un an mès es 30 ores de Fotbòl Sala Vila de Vielha en tot arribar ara sua 14 edicion. Coma ei d’abituda enes darrèrs ans, pendent aguesti dies se dispute eth torneig Objectiu 30 ores, a on menors de 16 ans competissen entre eri entà arribar ara gran finau que se viuerà laguens deth programa dera competicion des mès grani. 

Enes 30 ores de fotbòl Sala Vila de Vielha un des ahèrs que mès se destaque ei eth naut nivèu que i a pr’amor que non sonque i a equips dera Val d’Aran, senon que tanben s’apròpen de d’autes províncies coma Barcelona, Lhèida o Tarragona.

Aguest format, coma ben ditz eth sòn nòm ei compausat per un torneig de 30 ores de forma ininterrumpuda a on es equipes jogaràn en ua fasa de grops e dempús i aurà eliminatòries dirèctes enquia arribar ara final. Un des conjunts que tostemp a pujat ara Val per part de Lhèida ei er antic Lo Cargol, qu’ei er actuau Futsal lhèida, equipa de segona division B.