Societat
Bagergue adjudique era darrèra fasa de cambi a sistèma LED dera totalitat der enlumenat public
06/05/2024
Bagergue compde actuauments damb mès de 130 punts de lum d’enlumenat public en tot eth casc urban, a on compdarà damb era totalitat deth sòn enlumenat public a sistèma LED gràcies ath Plan de Cooperacion Municipau dera Deputacion de Lhèida
Aguesta òbra adjudicada per un impòrt de mès de 7000€, permeterà completar era totalitat der enlumenat deth Camin Pessòla e Carrèr Lagoarto a un sistema d’illominacion mès eficient e sostenible.
En 2023 s’adjudiquèc eth cambiament des 90 punts de lum a sistèma LED, ua òbra que se materializèc en seteme e qu’ara, damb era ajuda dera Deputacion de Lhèida, a trauès deth Plan de Cooperacion municipau que finance eth 65% e era rèsta damb hons pròpis dera EMD de Bagergue, se poderà completar era totau substitucion des punts de lum de bombeta de sòdi a sistèma LED.
Sergio Hinojosa, baile de Bagergue, se mòstre satisfèt en poder finalizar aguesta melhora ena eficiéncia energetica dera poblacion e arregraís ara Deputacion de Lhèida aguest nau Plan d’Inversions, damb un sistèma de transferéncies fòrça mès agil e efectiu, e que permet as EMDs (Entitats Menors Descentralizades) poder realizar òbres d’inversion enes pòbles.
Sergio Hinojosa, baile de Bagergue, se mòstre satisfèt en poder finalizar aguesta melhora ena eficiéncia energetica dera poblacion e arregraís ara Deputacion de Lhèida aguest nau Plan d’Inversions, damb un sistèma de transferéncies fòrça mès agil e efectiu, e que permet as EMDs (Entitats Menors Descentralizades) poder realizar òbres d’inversion enes pòbles.
Damb era sustitocion a sistèma LED des 90 punts de lum que se realizèc en seteme de 2023, Bagergue a vist reduir eth sòn consum e era sua factura electrica deth enlumenat public deth darrèr iuèrn un 33% en consum de kWh e ua disminucion deth 43% en impòrt a pagar per part dera EMD de Bagergue ena companhia suministradora d’electricitat.
HÒNT: EMD BAGERGUE
HÒNT: EMD BAGERGUE
Manu Moga