Es mesi de mai a junh s'a hèt era prumèra neteja d’accès as nuclèus urbans, entà garantir eth pas des usatgèrs, damb eth desbrossament mecanic damb tractors equipats e un equip manuau damb desbrossadores entà espodalhar er entorn des senhaus e biondes.

Pendent aguesti dies an trabalhat tanben ena mantenença d’airaus recreatius de montanha com ara eth deth Plan Batalhèr, eth guardader de Betlan, eth guardader de Vilamòs, er airau dera Palanca de Planhòt ena Artiga de Lin, er accès ath pòble de Bagergue e eth dera pista de Varicauva e Valarties entre d’auti.

Tanben s’a hèt era neteja enes camins de Sarrahèra, Saplan “Chemins de la Liberté” en Bausen e eth camin enquia era Bassa d’Oles.

Aguestes accions s’amien a tèrme laguens des convènis de collaboracion signadi entre Conselh Generau d’Aran e es Ajuntaments e Entitats Menors Descentralizades (EMD’S) dera Val d’Aran.

D’autes actuacions, era dubertura dera pista dera Escaleta, ena boca sud deth tunèl, neteja des trepaders d'accès tà Montcorbau. era installacion des casetes de torisme enes pistes regulades ath transit e era e neteja der entorn des mines Victòria e eth refugi dera Bassa d’Oles.

Aguesti dies era Brigada trebalhe ena neteja deth camin Reiau, que se començaue en Les e se barrarà en Vielha.


HÒNT: CONSELH GENERAU D'ARAN