Era Val d’Aran a viscut era prumèra jornada de donacion de sang der an 2025.

Un totau de 81 persones pogueren dar sang des 16:00 entàs 21:00 deth vespe per çò qu’era valoracion ei positiua per part dera Associacion de Donants de Sang dera Val d’Aran. Ath delà, tanben se hèren 8 plasmes programadi e fin finau 10 aufriments. Rebrembam qu’es aufriments son persones que non poden dar sang per bèra qüestion qu’acostume a èster que prenen quauque medicament o que son baishi de hèr.

Enguan era idèa ei era de mantier eth madeish sistèma qu’eth der an passat qu’ei eth d’auer cinc donacions ar an, tà poder gestionar milhor es donacions e que autant hemnes coma òmes se poguen apropar quan ac desiren.

Un des lèmes dera campanha de donacion dera Val d’Aran ei que damb un viatge non n’i a pro pr’amor qu’era sang encara non se pòt fabricar e tostemp ei de besonh.