Torisme
Er Ajuntament de Vielha e Mijaran a iniciat es òbres de milhora e manteniment des trepadèrs de Vielha que s’alongarà enquia acabar er an
24/05/2024
Aguesti trabalhs de manteniment se desvolòpen damb er auançament deth personau contractat entar ostiu e qu’anarà apariant es desperfèctes causadi pendent tot er iuèrn en diuèrsi endrets, en tot milhorar era mobilitat en cap-lòc dera Val d’Aran.
Aguesta setmana ja s'ha començat era prumèra intervencion, qu'i er apariament des escales que balhen accès ara Sala Era Audiovisuau e eth trepadèr que se trapen en Carrèr Anglada.
"Damb eth refortiment dera plantilha dera brigada municipau aguesta primauera, mos a permetut organizar es trabalhs entà apariar e mantier es trepadèrs de Vielha”, comente eth baile de Vielha e Mijaran, Juan Antonio Serrano. E ahig que “èm conscienti dera urgéncia d’aguestes intervencions generaus des trepadèrs en Vielha que milhorarà era mobilitat dera gent, e per aquerò auem auançat era contractacion d’ostiu deth personau de supòrt ara brigada a d’aguest mes de mai”.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga