Ena tarde d'ager descorbirem ua placa commemorativa ena plaça dera Glèisa, que compde damb un bocin deth poèma de Jusèp Condò sus eth Haro de Les.


Aguesta iniciativa nèish gràcies ath projècte deth collectiu Lengua Viua "Es Peades de Mossen Jusèp Condò Sambeat" e ara collaboracion der Ajuntament de Les.

Informam qu'aguest emplaçament ei temporau, pr'amor qu'eth definitu serà ena façada deth Musèu Casa deth Haro deth qué se prevé era sua inauguracion eth pròplèu mes d'octobre.


Eth Haro ei ua des icònes dera nòsta identitat coma comunautat. Un simbèu deth pòble de Les. Demoram qu'era placa sigue punt de presentacion deth Haro pendent fòrça temps.

Volem méter en valor era preservacion dera nòsta lengua, qu'ei un trabalh de toti e totes, atau coma era Quilha der Haro.

HÒNT: AJUNTAMENT DE LES