En dissabte ena jornada de de Sant Pere, s’a hestejat ena poblacion de Les era tradicionau Quilha der Haro. En aguesta tradicion milenària, se lhèue er Haro en miei dera plaça a on i demore pendent tot un an sencer, e la presidís enquiath ser de Sant Joan quan ei cremat.

Tota era cerimònia ei impregnada de simbolisme. Er Haro se plante invertit a coma creishec, damb es arraïtzes campant entath cèu, implorant era atraccion des fòrces divines entara tèrra. Es parèlhes recentament maridades dera localitat coronen eth nau Haro damb aufrentes  de flors: ua corona, un ram e ua crotz, totes eres simbolizen era fecunditat e fertilitat que son colocades ena part nauta pes joeni que pugen a ahloishar es còrdes.

Ua hèsta que compde damb ua grana participacion per part de vesins e de visitants.

Aguest ei eth darrèr acte des hèstes deth huec dera poblacion de Les enquia er an que ven damb era Shasclada der HARO.