Naut Aran crearà 4 abitatges assequibles ena Plaça dera Pica de Salardú

05/11/2024

Er Ajuntament de Naut Aran seguís damb eth sòn ambiciós plan de poder impulsar eth sòn parc d’abitatge municipau damb era creacion de quate abitatges ena Plaça dera Pica de Salardú amassa damb 9 places de parcatge ena planta baisha damb er objectiu de milhorar era delicada situacion que viuen es vesins deth territòri.


I aurà dus abitatges de dues abitacions e dus de tres abitacions damb ua superfícia de 75-90m2. Eth pressupòst totau dera accion ascendís a 916.000 èuros que gesseràn deth hons de venta de parcèles qu’a er ajuntament en parçan de Baqueira ans endarrèr e que les destine tà politiques de viuenda.


Eth baile de Naut Aran, César Ruiz-Canela, destaque que “seguim en tot trabalhar entà melhorar era vida de toti es nòsti vesins en toti es encastres. Er abitatge ei ua matèria fonamentau entà nosati pendent aguesta legislatura e ac demostram damb er abitatge de Garòs, eth de Tredòs e ara aguesti 4 de Salardú”.


Es òbres s’iniciaràn en 2025 e finalizaràn en 2026.
Manu Moga