Atac d’os en tèrme municipau deth Naut Aran

Atac d'os en Naut Aran

Er os a mòrt un boc, un mardan, dues oelhes e un aute boc desapareishut. Es agents de Miei Ambient trabalhen sus eth terrenh tà remassar mòstres que poguen facilitar era deteccion der animau.

En aguesti darrèri ans es atacs a bestiar ovin e crabun passen ena primauèra abantes der agrupament des ramats en tot amendrir ena sason d’ostiu quan es animaus se trapen en nauta montanha.Er atac s’aurie produsit aguest dissabte segons s’informe des deth Conselh Generau d’Aran.

Se tracte deth prumèr atac d’os oficiau a bestiar, un hèt que d’’auti ans ère fòrça mès abituau pr’amor dera activa preséncia des dus plantígrads mès predadors en tot eth Pirenèu coma èren Cachou e Goiat, andús mòrti, eth prumèr empodoat damb anticongelant e eth dusau per inactivitat e pèrta dera tralha declarada en aguest estat oficiauments dempús dera 25 d’en abriu.